مواقع • متاجر • منصات • أنظمة إدارة
جيب فكرتك.والباقي علينا.
موقع لشركتك، متجر تبيع منه، منصة لدوراتك، أو نظام يرتب شغلك كله. احكيلنا شن في بالك، واحنا نصمموه ونبنوه ونوقفوا معاك لين يخدم ويكبر.
- تتكلم مباشرة مع اللي يبني مشروعك
- عربي من الأساس، وإنجليزي لو تبيه
- معاك من الفكرة لين بعد الإطلاق
خدماتنا
شن نقدروا نديرولك؟
من صفحة وحدة تعرّف بيك، لين نظام كامل يدير شركتك.
مواقع الشركات والأعمال
موقع يعطي انطباع يليق بيك، ويوصل الزبون ليك بأسهل طريقة.
التفاصيلالمتاجر الإلكترونية
بيع أونلاين بطريقة مرتبة: طلبات ما تضيعش، مخزون مضبوط، وتوصيل يناسب السوق.
التفاصيلمنصات الدورات والتعليم
بيع دوراتك من منصة باسمك، وتابع طلبتك ودروسك من مكان واحد.
التفاصيلأنظمة إدارة الشركات
مبيعات، فواتير، مخزون، موظفين، وعملاء، بدل الدفاتر والملفات المتفرقة.
التفاصيلمشروعك الرقمي من الصفر
عندك فكرة خدمة أو منصة؟ نبدوا بنسخة صغيرة حقيقية ونكبروها خطوة خطوة.
التفاصيلتطوير نظامك الحالي
عندك نظام بطيء أو قديم؟ نصلحوه ونطوروه بدون ما يوقف شغلك.
التفاصيلابدأ من هنا
شن في بالك؟
اختار الأقرب لفكرتك، ومش لازم تكون مكتملة.
موقع يعرّف الناس عليك
موقع مرتب وسريع، يشرح شن تقدم، يطلع للناس في قوقل، وتوصلك منه الطلبات والاتصالات مباشرة.
احكيلنا عن فكرتكمتجر يشيل عنك وجع الراس
منتجات، طلبات، مخزون، وتوصيل في مكان واحد. الدفع عند الاستلام جاهز من أول يوم، والدفع الإلكتروني نضيفوه حسب اللي متاح لنشاطك.
احكيلنا عن فكرتكمنصة تبيع منها علمك
طلبتك يدخلوا بحساباتهم، يتفرجوا على الدروس، ويتابعوا تقدمهم. وأنت تعرف شن صاير في منصتك أولاً بأول.
احكيلنا عن فكرتكنظام يرتب شغلك كله
مبيعات، مخزون، فواتير، موظفين، وتقارير. كل شي في مكان واحد ومبني على طريقة شغلك، مش العكس.
احكيلنا عن فكرتكفكرتك مختلفة؟ هذا اللي نحبوه
نقعدوا معاك، نرتبوا الفكرة، نحددوا شن يتبني أول، ونطلعوا نسخة تقدر تجربها قبل ما تكبر المصاريف.
احكيلنا عن فكرتكعلاش موجة X
شغل واضح، من أول يوم.
تتكلم مع اللي يخدم
مافيش وسيط بينك وبين الفريق. اللي تحكيله فكرتك هو نفسه اللي يبنيها.
كلام بسيط
نشرحولك كل شي بلغة واضحة، من غير مصطلحات تدوخ الراس.
تعرف شن حتاخذ
قبل ما نبدوا، تعرف بالضبط شن حيتبني وشن مش داخل في هالمرحلة، مكتوب وواضح.
تشوف الشغل وهو يتقدم
كل مرحلة تجربها بنفسك، فمافيش مفاجآت في الآخر.
كيف نخدموا
خمس خطوات، وأنت معانا في كلها.
- 1
نسمعوك
تحكيلنا الفكرة بكلامك.
- 2
نرتبوا الفكرة
تراجع وتحدد الأولويات.
- 3
نصمموا
تجرب النموذج وتقول رأيك.
- 4
نبنوا
تجرب وتعلق أولاً بأول.
- 5
نطلقوا ونكملوا
تطلق وتقولنا شن يقولوا زباينك.
نماذج
تخيل مشروعك كيف ممكن يكون.
نماذج شغالة تقدر تجربها بإيدك.
سفر وسياحةشركة عمرة وحج
باقات تفلترها وتقارنها، سعر يتحسب لوحده، وحجز بخطوات، مع لوحة للموظفين تتابع كل مسافر.
سوق إلكترونيسوق إلكتروني كبير
مئات المنتجات من عدة بائعين في مكان واحد، مع لوحة لكل بائع ولوحة للإدارة.
مطاعممطعم: الطلب والمطبخ والطاولات
الزبون يطلب من الطاولة بالموبايل، والطلب يوصل المطبخ في نفس اللحظة، والمدير يشوف كل شي.
إدارة شركةنظام إدارة شركة
المبيعات والمشتريات والمخازن والحسابات والموظفين مربوطين: خطوة وحدة تحدث كل شي.
أسئلة
أسئلة تجينا هلبة.
مانعرفش شي في البرمجة، عادي؟
عادي جداً، وهذا شغلنا احنا. أنت احكيلنا شن تبي توصله، واحنا نشرحولك الطريق خطوة خطوة بكلام بسيط.
قداش يكلف المشروع؟
يعتمد على حجم الفكرة وشن فيها. بعد ما نفهموا شن تبي، نعطوك عرض واضح قبل ما تلتزم بأي شي.
قداش ياخذ وقت؟
يختلف من مشروع لمشروع. موقع بسيط مش زي نظام كامل. نحددوا معاك جدول واضح مع العرض.
نقدر نبدا بحاجة صغيرة ونكبرها بعدين؟
هذا غالباً اللي ننصحوا بيه. تبدا بالأهم، تجربه مع زباينك، وبعدين نزيدوا عليه خطوة خطوة.
نقدر نعدل المحتوى بروحي؟
لو تبي، نجهزولك لوحة سهلة تعدل منها النصوص والصور والمنتجات من غير ما ترجعلنا كل مرة.
بعد الإطلاق، تخلوني بروحي؟
لا. نقدروا نكملوا معاك في المتابعة والتطوير، ونتفقوا على الطريقة اللي تناسبك.
عندك فكرة؟ خلينا نسمعوها.
مش لازم تكون مكتملة. احكيلنا شن في بالك، ونكملوها مع بعض.